Адна з галоўных асаблівасцяў новай інтэграцыі - яе адкрытасць. І ў першую чаргу гутарка пра найбліжэйшых суседзяў. Прычым у Мытным саюзе гатовыя адчыніць дзверы нават тым партнёрам, з якімі няма агульнай мяжы. Напрыклад, Арменія, якая, нагадаем, у мінулым месяцы выказала сваё жаданне далучыцца да Беларусі, Расіі і Казахстана. Мы памятаем, наколькі цёпла прайшла на мінулым тыдні сустрэча на саміце ў Сочы двух прэзідэнтаў Аляксандра Лукашэнкі і Сержа Саргсяна.
Яшчэ адна краіна, якую чакае да сябе тройка, - наш паўднёвы сусед Украіна, якая пакуль вагаецца, што ж ёй абраць: далучыцца да саюза Еўрапейскага, якога штарміць, або да саюза Еўразійскага, які зараджаецца. Нагадаем, украінскія ўлады плануюць у лістападзе на саміце Усходняга партнёрства ў Вільнюсе падпісаць дамову аб асацыяцыі з Еўрасаюзам, у прыватнасці, у палажэнні аб зоне свабоднага гандлю. Разам з гэтым Украіна мае намер атрымаць статус назіральніка Мытнага саюза, штораз ветліва адмаўляючыся ў яго ўступіць. Дарэчы, на гэтым тыдні прэм'ер-міністр Украіны Мікалай Азараў, якога ўжо заўтра чакаюць у Мінску, даў інтэрв'ю беларускім СМІ. І вось яна - афіцыйная пазіцыя Кіева.
