Урачыста і шумна сёння адзначаюць Дзень танкіста ў гісторыка-культурным комплексе "Лінія Сталіна". Наведвальнікі ўбачаць рэканструкцыю бою "Афганскі эпізод" і стануць сведкамі танкавага біятлона. Музычныя пляцоўкі і інтэрактыўныя зоны таксама будуць, абяцаюць арганізатары свята. А напярэдадні на "Лініі Сталіна" быў паказаны ўнікальны экспанат. Прэзентавалі легендарную самаходную ўстаноўку. Яе ўзнавілі літаральна з нуля. Выконвалі гэтую няпростую задачу рэстаўратары комплексу ў рамках народнага праекта "Рэха вайны".
Упершыню гледачы ўбачылі легендарную ўстаноўку Су-76 падчас рэканструкцыі бітвы часоў Вялікай Айчыннай вайны "Восень 44-га". Пастаноўка праходзіла ўчора. Аднак спецыялісты ўпэўніваюць, што ўбачыць унікальную машыну можна будзе і сёння.
