У здаровым целе здаровы дух! З гэтым не паспрачаешся. І Беларусь зрабіла стаўку на стварэнне магчымасцей для ўсіх ахвотнікаў займацца спортам: ці то футбол, хакей або бег.
Дарэчы, сёлета ў Мінскам паўмарафоне возьмуць удзел 40 тысяч удзельнікаў больш як з 50 краін свету. Нагадаем, заяўку падаць можа кожны, а не толькі спартсмены. Такія планы "Галоўнаму эфіру" падчас здымак праекта агучыў старшыня Беларускай федэрацыі лёгкай атлетыкі Уладзімір Дзевятоўскі.
Поспехі беларускага руху паўмарафону адзначаны на міжнародным узроўні. У доказ таму "сярэбраны лейбл", які нядаўна атрымаў Мінскі паўмарафон. А гэта прэстыж краіны і турыстычная прывабнасць.
А што такое для беларусаў здаровы лад жыцця? І якія магчымасці для заняткаў спортам ёсць абсалютна для кожнага? Пра гэта новая серыя праекта АТН "На кантролі Прэзідэнта".
"На кантролі Прэзідэнта". Здаровы лад жыцця
9 июня 2019