Юныя следапыты 70-й сталічнай школы разам з настаўнікамі спрабуюць закрыць адну з белых старонак гісторыі Вялікай Айчыннай вайны. Знойдзены звесткі аб беларусах, якія абаранялі Севастопаль і Адэсу. Ёсць інфармацыя, што нашчадкі герояў могуць жыць у Віцебскай вобласці. З мясцін кровапралітных баёў, а менавіта з паўвострава Херсанес - апошняй мяжы гераічнай абароны Севастопаля, дастаўлены ў Беларусь кісеты з зямлёй. Яны будуць перададзены ў крыпту храма-помніка ў Мінску. Зямлю з асколкамі снарадаў захаваюць і ў школьным музеі. І гэта толькі частка вялікай работы, якую вядуць у гэтай школе і дарослыя, і дзеці. Справы кожнага фарміруюць агульнае стаўленне беларусаў да гісторыі, дзе памяць аб подзвігу - частка дзяржаўнай палітыкі. Гэта тэма новай серыі праекта "На кантролі Прэзідэнта". Эфір заўтра вечарам на "Беларусь 1".
"На кантролі Прэзідэнта" заўтра вечарам на "Беларусь 1"
5 мая 2020