Яшчэ адзін рэзанансны праект АТН гатовы прапанаваць свой новы эпізод. Закрыты вясковы магазін, адмена прыгараднага аўтобуснага маршруту, пабітыя дарогі, адсутнасць пандуса для людзей з абмежаванымі магчымасцямі. Гэта ўсе пытанні, якія паступілі ад простых беларусаў напярэдадні "Вялікай размовы з Прэзідэнтам".
А гэта каля трох тысяч праблем, з якімі нашы людзі сутыкаліся штодня і не заўсёды маглі вырашыць у кабінетах мясцовых улад. На асаблівым кантролі тэма зваротаў грамадзян і ў Кіраўніка дзяржавы. Нашы журналісты вырашылі праверыць, як выконваюцца даручэнні Прэзідэнта па рашэнні праблем простых беларусаў. І сёння інфармацыйную карціну дня складаюць ужо знойдзеныя рашэнні.
Вынік - адкрыццё сучасных спартзал, мадэрнізацыя прамысловых вытворчасцяў і запуск новых транспартных маршрутаў. Чарговая серыя праекта Агенцтва тэленавін "На кантролі Прэзідэнта" ужо ў гэтую сераду.
"На кантролі Прэзідэнта", новая серыя 17 красавіка пасля "Панарамы"
14 апреля 2019