На канферэнцыі ў Мінску аперацыю "Баграціён" абмеркавалі гісторыкі з шасці краін

Аперацыя "Баграціён", як яна паскорыла перамогу над германскім нацызмам - гэтую тэму абмеркавалі ў Мінску на міжнароднай канферэнцыі, прысвечанай вызваленню Беларусі. У форуме прынялі ўдзел каля пяцісот навукоўцаў і архівістаў - гэта гісторыкі з шасці краін: Расіі, Арменіі, Азербайджана, Германіі, Літвы і Беларусі. Даследчыкі разгледзелі сучасныя метады асвятлення гісторыі Вялікай Айчыннай і праблемы ў вывучэнні ваеннага ліхалецця праз інтэрнэт-крыніцы і навуковую літаратуру.

Вячаслаў Даніловіч, дырэктар Інстытута гісторыі НАН Беларусі: "На жаль, ёсць спробы фальсіфікацыі, скажэння нашага гістарычнага мінулага, і ў значнай ступені гэта падзеі Другой сусветнай і Вялікай Айчыннай вайны. Дык вось, каб не дапусціць гэта, выпрацаваць імунітэт некаторы, у нашым грамадстве супраць такіх спроб і праводзяцца ў тым ліку і такія маштабныя навукова-практычныя канферэнцыі, якія ахопліваюць, яшчэ раз падкрэслю, не толькі навукоўцаў, але і прадстаўнікоў грамадскіх арганізацый, моладзь, студэнтаў".

Сяргей Кулік, дырэктар вышэйшай школы грамадскіх навук гуманітарнага інстытута Санкт-Пецярбургскага політэхнічнага ўніверсітэта Пятра Вялікага: "Аперацыя "Баграціён" павінна заняць годнае месца ў гісторыі вайны, і я думаю, вось якраз і задача сумесных распрацовак расійскіх і беларускіх навукоўцаў па вывучэнні гэтай аперацыі, па ўсіх кірунках".

Падчас канферэнцыі Цэнтральнай навуковай бібліятэцы імя Якуба Коласа было перададзена ўнікальнае выданне - газета "Чырвоная армія" часоў Вялікай Айчыннай. Унікальны падарунак кнігасховішчу прывезлі навукоўцы з Германіі.