Брэсцкі электралямпавы завод апынуўся ў цяжкай фінансавай сітуацыі. За апошнія два гады аб'ёмы прадукцыі, што выпускаецца, упалі больш чым удвая. Прыйшлося скараціць і штат прадпрыемства. Асноўная праблема - тавар састарэў і стаў дрэнна прадавацца. Гэта адбілася на заработнай плаце супрацоўнікаў. У сярэднім тут атрымліваюць каля 500 рублёў.
Аб тым, як рэанімаваць завод, ішла размова на нядаўняй сустрэчы старшыні ФПБ Міхаіла Орды і Кіраўніка дзяржавы. Каб выбрацца з крызісу, на заводзе асвоілі новую вытворчасць - святлодыёдныя лямпы, якія зараз больш запатрабаваныя на рынку. Сумесна з прафсаюзам распрацоўваецца комплексны план па развіцці прадпрыемства. На Брэсцкім электралямпавым ужо змянілі кіраўніцтва, павялічылі выпуск новых тавараў і дабаўленую вартасць. У выніку за год рэнтабельнасць павялічылася на 3 %. Пад асаблівым кантролем і ўмовы працы работнікаў.
Міхаіл Орда, старшыня Федэрацыі прафсаюзаў Беларусі: "Пры самых складаных сітуацыях мы лічым, што сацыяльныя мінімальныя стандарты ва ўмовах працы павінны быць выкананыя. У чалавека, які працуе ў шкодных умовах, павінна быць кампенсацыя. Таму што сёння эканоміць на людзях нельга. Калі не будзе людзей, якія робяць гэту прадукцыю, тады і не будзе працаваць завод".
Плануецца, што ўжо сёлета сярэдняя зарплата на прадпрыемстве стане большай на 40 %. А з павелічэннем абаротаў на завод набяруць 100 новых супрацоўнікаў.
На Брэсцкім электралямпавым заводзе асвоілі новую вытворчасць
29 января 2020