Аматары авіяшоу сёння сабраліся пад Рагачовам. На аэрадроме Мінькоў стартаваў чэмпіянат па планерызме пад эгідай ДТСААФ, якому сёлета споўнілася 90 гадоў.
Пачалі шоу парашутысты. Яны разгарнулі ў небе вялікі флаг Беларусі. Ну, а далей - вышэйшы пілатаж. Мёртвыя петлі, пралёты за некалькі дзясяткаў метраў ад зямлі.
Гледачам прадэманстравалі і гонар ДТСААФ - першы ў Беларусі перасоўны авіяцэнтр. На прафесійных сімулятарах там рыхтуюць будучых пілотаў верталётаў і беспілотнікаў.