Гэта ініцыятыва Міністэрства адукацыі прагучала падчас выніковага пасяджэння "Фестывалю моладзевай навукі 2016". Сустрэча стала фіналам гадавой працы. За гэты час каля дзвюх тысяч прадстаўнікоў з усіх ВНУ краіны дэманстравалі свае распрацоўкі і дасягненні. Лідарам стала робататэхніка, даследаванні ў галіне хіміі, біялогіі і экалогіі.
Вадзім Богуш, першы намеснік міністра адукацыі Беларусі:
"Адна з ключавых мэт фестывалю - гэта паказаць, што ў навуцы цікава, гэта прыцягнуць моладзь да навуковай дзейнасці. Ну і тая моладзь, якая ўжо ёй займаецца, каб яна магла мець пляцоўку для таго, каб і вынікі паказаць, і праблемныя пытанні абмеркаваць, сустрэцца са сваімі старшымі калегамі, дзесьці нават знайсці далейшыя перспектывы для прафесійнага росту, паказаць сябе".
Валерый Чарткоў, старшы выкладчык кафедры радыёэлектронікі Полацкага дзяржаўнага ўніверсітэта:
"Вось гэтая распрацоўка накіравана на сартаванне бытавых адходаў па прынцыпе металічны прадмет або не металічны. Робат па перыметры выяўляе прадмет і па індуктыўным датчыку вызначае метал гэта або не метал".
"Фестываль моладзевай навукі" стартаваў летась упершыню і, паводле слоў арганізатараў, стаў адной з самых знакавых падзей для маладых навукоўцаў Беларусі. Дарэчы, штогод у навуковых даследаваннях удзельнічаюць больш за 90 тысяч студэнтаў і аспірантаў краіны.
