Каля 500 студэнтаў і школьнікаў з Беларусі, Расіі, Чарнагорыі, Казахстана, Польшчы, Грузіі прапанавалі свае распрацоўкі на міжнароднай навуковай канферэнцыі. Гэта апошнія ноу-хау ў галіне IT, медыцыны, біялогіі і аграрнага сектара. А некаторыя вынаходкі закліканы змагацца за экалогію. Для маладых талентаў міжнародны форум - гэта яшчэ і магчымасць знайсці будучых інвестараў для сваіх распрацовак. Навуковыя даклады прачытаюць як зусім юныя школьнікі - чацвёртакласнікі, так і вопытныя навукоўцы.
