Сапраўдныя калядныя маразы захаваюцца ў Беларусі найбліжэйшыя некалькі дзён. Для аўтамабілістаў гэта падстава перагледзець выбар паліва. Дарэчы, спецыялісты Мазырскага НПЗ распрацавалі спосаб вытворчасці дызеля. Ён здольны вытрымліваць маразы да мінус 32 градусаў. Паліва адказвае не толькі нацыянальным патрабаванням, але і еўрапейскім стандартам.
Нізкатэмпературныя характарыстыкі атрымалася палепшыць дзякуючы асабліваму тэхналагічнаму працэсу. Укараніць яго могуць далёка не на кожным НПЗ. Дызельнае паліва нават у арктычным клімаце праяўляе выдатныя паказчыкі фільтравальнасці і высокую стабільнасць.
Прадукцыю Мазырскага НПЗ чакаюць больш як у 20 краінах свету. Галоўныя маршруты экспарту дызпаліва - Украіна, Расія і краіны Балтыі.
