Шматфункцыянальны комплекс Раўбічы з саракагадовай гісторыяй зусім хутка задыхае па-новаму. Рэканструкцыя падыходзіць да канца. Работы завершаныя прыкладна на 70 працэнтаў, а кошт апгрэйду комплексу - каля 670 мільярдаў рублёў. Раўбічы - гэта біятлон і фрыстайл. Нашы алімпійскія віды куюцца тут. Адсюль такая ўвага дзяржавы. І попыт на паслугі комплексу ёсць заўсёды. Нават зараз, падчас рэканструкцыі, у цэнтры на зборах знаходзяцца юныя хакеісты маскоўскага ЦСКА. Чаго чакаць пасля ўвядзення аб'екта ў эксплуатацыю, ведае наш спартыўны карэспандэнт Андрэй Іваноў.
Гэтая траса, пабудаваная ў 1974 годзе, не страціла актуальнасці: перапад вышынь, маляўнічы ландшафт не горш, чым у Хахфільцэне або Кантыялахці, гавораць дасведчаныя людзі.
Пытанні былі толькі да інфраструктуры. Нядзіўна, 40 гадоў мінула. Рэканструкцыя па розных прычынах адкладвалася, у выніку актыўныя работы пачаліся толькі ў 2013-м. Людзям, якія бывалі тут, дастаткова карцінкі, каб зразумець маштабы перамен.
Трыбуна на 2500 месцаў, поўная рэканструкцыя трасы, новы спрынтарскі ўчастак, асвятленне, два табло і павялічаны нумарны фонд - да рэканструкцыі падышлі грунтоўна.
З улікам жадання і, самае галоўнае, магчымасці праводзіць тут буйныя турніры, былі пабудаваныя памяшканні для вакс-груп, кожнай камандзе асобнае. А вось гэты будынак, размешчаны з новым стрэльбішчам, - цір. Тут будзе прыстрэльвацца зброя і па сутнасці тут жа ў выпадку непагадзі можна праводзіць стралковую частку біятлоннай праграмы. У Еўропе такога больш няма.
Дарэчы, нягледзячы на рэканструкцыю, у гэтыя дні ў Раўбічах працуюць каманды хакейнага клуба ЦСКА з Масквы. Попыт на паслугі комплексу заўсёды быў, расказваюць прэм'ер-міністру Міхаілу Мясніковічу, пасля рэканструкцыі павялічыцца ў некалькі разоў.
Ужо праз месяц сюды заедзе нацыянальная зборная па біятлоне. Дарэчы, для яе тут пабудавалі асобную гасцініцу. Ну а ў лютым 2015 года ў Раўбічах пройдзе юніёрскі чэмпіянат свету.
