На жаль, на гэтым тыдні было месца і сумным падзеям. Не стала ганаровага Патрыяршага Экзарха Беларусі Мітрапаліта Філарэта. Ён памёр ва ўзросце 85 гадоў. Патомны дваранін у духоўным адзенні. Ён прайшоў усе прыступкі царкоўнага служэння: ад семінарыста да архіпастыра. Узначальваў і курыраваў духоўныя школы, выступаў у ролі дыпламата - пасада кіраўніка знешнецаркоўных зносін гэта як пасада міністра замежных спраў у свецкай іерархіі.
Багаслоў, які стаў Героем Беларусі, адзіны з усіх царкоўных іерархаў. Дэпутат, які ўсюды з'яўляўся толькі ва ўбранні святара. Манах, які любіў белыя ружы. Іх тысячамі неслі людзі на развітанне з Уладыкам. Згодна з завяшчаннем, складзеным Філарэтам яшчэ ў 2012 годзе, адпяванне праходзіла ў Свята-Духавым кафедральным саборы Мінска, а пахаваны Экзарх на тэрыторыі манастыра ў Жыровічах.
Алена Борматава пра жыццё архіпастыра і яго апошні шлях.
