Сёння па ўсёй Беларусі ў вялікіх і малых гарадах праходзяць мітынгі ў падтрымку мірнай будучыні. Беларусы - спакойныя, мірныя і сціплыя. І многія не гатовыя гучна выказваць сваё меркаванне, але калі на коне наша краіна, родная і любімая, то нас пачуюць. Неабыякавыя да лёсу Беларусі сабраліся сёння і ў Маладзечне. Сотні чалавек выйшлі на мірны мітынг і гучна заяўляюць пра сваю пазіцыю - "Не дадзім разваліць краіну!". На пляцоўцы ля летняга амфітэатра ў гарадскім парку Перамогі працуе і наша здымачная група. На сувязі са студыяй Аляксандр Харавец.
Людзі хочуць аднаго - жыць у мірнай Беларусі. І адкрыта заяўляюць пра гэта. Адзначым, афіцыйна мітынг стартаваў у 17:30 Але яшчэ задоўга да яго пачатку тут пачалі збірацца гараджане. Па маіх падліках, тут больш за тысячу чалавек.
Тут шмат моладзі і дзяцей, але асабіста для сябе падкрэсліў, што ў мітынгу ў большасці бяруць удзел людзі сярэдняга ўзросту. Гэта грамадзяне, у якіх ёсць сем'і, дзеці і якія рэальна разумеюць, чаго насамрэч вартыя мір і спакой, да чаго могуць прывесці рознага роду забастоўкі і так званыя каляровыя рэвалюцыі.
Мітынг у Маладзечне ў падтрымку міру, бяспекі і спакою ў Беларусі
20 августа 2020