Каб папярэдзіць надзвычайныя сітуацыі і ведаць, як выклікаць пажарную службу, Мінскае ўпраўленне Міністэрства па надзвычайных сітуацыях падчас канікул запрашае ў музей "Полымя". Школьнікі могуць паспрабаваць звярнуцца ў дыспетчарскую службу 101, ім дэманструюць бытавыя прыборы - віноўнікі ўзгаранняў і тлумачаць самыя небяспечныя месцы ў доме. Акрамя таго, дзяцей чакае інтэрактыўная вандроўка ў мінулае - можна паглядзець у дзеянні ручную пажарную помпу і прымерыць каскі мінскай пажарнай брыгады ХІХ стагоддзя.
У музеі штодня прымаюць па некалькі груп - адна экскурсія працягваецца амаль паўтары гадзіны.
