Мінскія школы пераходзяць на "воблачныя" тэхналогіі і мову IT

16 Сакавіка 2018

Адмысловая ўвага ў беларускай сістэме адукацыі надаецца адукацыі школьнай. Тут, як і ў цэлым па ўсёй краіне, робяць стаўку на IT.

Мінскія школы для больш якаснага навучання паступова пераходзяць на "воблачныя" тэхналогіі і мову IT. Віртуальная рэальнасць - як дэкарацыі падчас урокаў і QR-коды ў якасці ключоў да тэстаў. Так, у сталічнай гімназіі № 37 вучні змяняюць сшыткі на гаджаты - заданні выконваюць у электроннай сістэме з дапамогай спецыяльных пультаў або зашыфроўваюць адказы ў мабільным дадатку. Такім чынам навучальны працэс паскараецца і становіцца больш займальным. Сярод ноу-хау і 3D-сістэмы па вывучэнні геаметрыі, інтэрактыўныя карты па гісторыі і геаграфіі. А асвойваць англійскую мову младшакласнікам дапамагае спецыяльны канструктар.

Сістэму электроннай школы зараз развіваюць ва ўсіх навучальных установах сталіцы. Гэта дапамагае не толькі зрабіць вучобу больш разнастайнай, але і ўдасканаліць сістэму кантролю ведаў.

Практычна ва ўсіх школах ужо ўведзеная сістэма электронных дзённікаў і часопісаў. Анлайн-старонкі навучальных устаноў становяцца пляцоўкай для зносін паміж бацькамі і настаўнікамі.