Зазірнуць у хлебапякарны цэх і адчуць водар свежай булкі. Сталічныя хлебазаводы адчыняюць дзверы для турыстычных груп. Экскурсія праходзіць праз усе этапы вытворчасці хлеба, батона, пернікаў ці аўсянага печыва. Экскурсавод нават раскрывае некаторыя пякарскія сакрэты. Напрыклад, як адначасова атрымаць румяную скарынку і пышнае цеста. Групы звычайна невялікія - ад пяці да 15 чалавек. Самыя частыя госці - школьнікі, а таксама студэнты профільных навучальных устаноў: будучыя тэхнолагі, пекары, кандытары. Пасля знаёмства з вытворчасцю прадугледжана дэгустацыя вырабаў.
Прамысловы турызм набірае ўсё большую папулярнасць. Зараз турыстычныя групы могуць наведваць завод халадзільнікаў, кандытарскія фабрыкі, убачыць, як вараць сыр і ствараюць шкляныя вырабы.
