Мінская вобласць сустракае калег італьянскага аддзялення Чырвонага Крыжа

Летні лагер для цяжкіх падлеткаў і сістэма аказання першай меддапамогі па італьянскім прыкладзе. Гэтымі днямі Мінская вобласць сустракае дэлегацыю аддзялення італьянскага Чырвонага Крыжа. Замежныя госці на працягу чатырох дзён будуць дзяліцца сваім вопытам працы ў валанцёрскіх і сацыяльных праектах, а  таксама пазнаёмяцца з беларускай сістэмай - наведаюць шпіталь ветэранаў вайны, дзіцячы рэабілітацыйны цэнтр "Надзея", нацыянальны цэнтр "Зубраня". Дарэчы, дэлегацыя Мінскай абласной арганізацыі Чырвонага Крыжа з працай італьянскіх калег пазнаёмілася гэтым летам.

Фабіа Чэконі, старшыня аддзялення італьянскага Чырвонага Крыжа ў рэгіёне Марке: "Мы б хацелі перадаць вам свой вопыт прыцягнення валанцёраў Чырвонага Крыжа. Мы можам расказаць, як у нас арганізавана работа з людзьмі, якім неабходна дапамога. Акрамя гэтага можна на будучыню спланаваць, як у вас можна эфектыўна развіваць валанцёрскі рух так, каб кожны грамадзянін разумеў неабходнасць такой работы".

Па выніках чатырохдзённай сустрэчы італьянская і беларуская дэлегацыя плануюць падпісаць сумеснае пагадненне па некалькіх напрамках работы валанцёраў арганізацыі.