У параўнанні з мінулым годам колькасць сабранай у насельніцтва тэхнікі, што была ва ўжыванні, павялічылася на 25 %. Больш актыўныя ў гэтым плане раёны, набліжаныя да Мінска. А вось аддаленыя пакуль адстаюць.
Таму менавіта Салігорскі раён стане пляцоўкай для рэалізацыі экапраекта Праграмы развіцця ААН і Мінпрыроды. У раёне шахцёраў будзе створана комплексная сістэма паасобнага збору адходаў электроннага абсталявання.
Уся сабраная бытавая тэхніка адпраўляецца на перапрацоўку ў Мінск. У сталіцы яе сартуюць і па максімуме здабываюць ўсё, што можа быць карысным: гэта і пластык, і шкло, і гума.
На працягу года ў Салігорскім раёне з'явіцца новы стацыянарны пункт збору, куды можна будзе прынесці буйнагабарытную тэхніку, лямпачкі і батарэйкі. Запрацуе і перасовачны прыёмны пункт. Экаініцыятыва ў перспектыве можа запрацаваць і ў іншых раёнах Мінскай вобласці.
Мінская вобласць нарошчвае аб'ёмы другаснай перапрацоўкі старога электраабсталявання
6 ноября 2019