Старты прайшлі на базе цэнтра павышэння кваліфікацыі ў пасёлку Гарані. Афіцэры перацягвалі канат, змагаліся ў спартыўнай рыбалцы, велагонцы і сілавым армрэслінгу. Спартакіяда таксама сабрала выхаванцаў Радашковіцкай школы-інтэрната і навучэнцаў спецыялізаванага ліцэя МУС. Госці свята змаглі не толькі панаглядаць за вынікам барацьбы, але і паўдзельнічаць у турніры.
Ігар Шуневіч, Міністр унутраных спраў Беларусі: "Традыцыйнае мерапрыемства для таго, каб прадэманстраваць наша стаўленне да здаровага ладу жыцця. Ну, а ў цэлым мы б хацелі па-новаму зірнуць на сістэму, на гатовасць гэтай сістэмы забяспечваць усе выклікі і пагрозы і адпавядаць ім. Мы прывітаем наяўнасць, прысутнасць на гэтым свяце членаў сем'яў. Вы бачыце, што вельмі многа дзетак сёння прысутнічае тут. Ну і, вядома ж, для кожнага калектыву нашага гэта свайго роду спаборніцтва, дэманстрацыя сваіх навыкаў, уменняў".
Яшчэ адно спартыўнае свята прайшло ў Слуцку. У гасцях у выхаванцаў кадэцкага вучылішча пабывалі супрацоўнікі АМАП. Сілавікі паказалі маладому пакаленню баявыя прыёмы самаабароны, зброю і экіпіроўку. Візіт да кадэтаў - гэта ўжо шматгадовая традыцыя атрада міліцыі асаблівага прызначэння.
