Другое месца на чэмпіянаце свету па брэйк-дансе занялі сталічныя бі-боі. Юныя танцоры ў катэгорыі дванаццаць плюс спаборнічалі ў Францыі на самым прэстыжным танцавальным форуме. Сакрэт поспеху - у штодзённых трэніроўках. Як падтрымліваць сябе ў форме і заўсёды быць гатовымі да спаборніцтваў - раскажа Ілья Цвяткоў.
Дроп, фрыз і млын. Так званая база - набор асноўных танцавальных элементаў у брэйк-дансе. Арсеній Салодкі аб'ядноўвае іх у арыгінальныя камбінацыі - хутка, віртуозна і без адзінай памылкі. Імправізацыя бі-бою дапамагае не заўсёды - усе рухі прыходзіцца вучыць на памяць. Усяго элементаў у брэйку тысячы і мільёны. Нават складана пералічыць. Некаторыя можна вывучыць за адзін занятак, а некаторыя прыйдзецца трэніраваць некалькі гадоў, як, напрыклад, дабл-твіст. У брэйку Арсеній ужо чатыры гады і кожны сезон прывозіць узнагароды з прэстыжных міжнародных форумаў.
На гэты раз каманда бі-бояў з Мінска ўдзельнічала ў чэмпіянаце свету па брэйк-дансе, які праходзіў у Францыі. Беларускія танцоры выйшлі ў фінал і занялі другое месца ў камандным заліку. Брэйк-данс - не проста танец, хутчэй, спартыўная дысцыпліна. Каб вывучыць нават самыя простыя рухі, неабходна мець выдатную фізічную падрыхтоўку. Сакрэт поспеху – трэніроўкі кожны дзень. А яшчэ бі-боям трэба сачыць за гардэробам.
У гэтай брэйк-данс камандзе 9 танцораў. Кожны з іх ставіць перад сабой сур'ёзную мэту - стаць алімпійскімі чэмпіёнамі. Яшчэ летась брэйк-данс увайшоў у спіс алімпійскіх відаў спорту. Каб стаць удзельнікам, адпрацоўваюць зладжанасць і сінхроннасць дзеянняў. Адпачынак у брэйкераў кароткі. Праз два тыдні сталічная каманда адправіцца на прэстыжны дэнс-фестываль у Швейцарыю. А ў наступным годзе геаграфія падарожжаў яшчэ больш пашырыцца. Бі-боі з Мінска плануюць выступіць за акіянам на чэмпіянаце ў ЗША.
Мінская каманда па брэйк-дансе прывезла серабро з чэмпіянату свету
12 ноября 2019