Мінск далучыўся да міжнароднага праекта "У славу агульнай Перамогі"

Мінск сёння далучыўся да міжнароднага праекта "У славу агульнай Перамогі". Ля братэрскай магілы ў Лошыцкім парку сабраліся ветэраны Вялікай Айчыннай, прадстаўнікі ўлады, грамадскіх арганізацый і палітычных партый, дэпутацкі корпус, каб ушанаваць памяць воінаў хвілінай маўчання і захаваць зямлю з месца пахавання ў капсулу памяці. У дзень 75-годдзя Перамогі капсулы разам са спісамі загінуўшых змесцяць у крыпту Усіхсвяцкага храма сталіцы.