Мінск прыме канферэнцыю, прысвечаную перазвону

27 Лютага 2020
Напярэдадні Вялікага посту Беларусь стане месцам прыцягнення майстроў званарскай справы. Заўтра ў Мінску стартуе міжнародная навукова-практычная канферэнцыя, прысвечаная традыцыям перазвону. Акрамя тэорыі, пачуем выступленні гасцей з Каўнаса. Спікерам канферэнцыі стане і адзін з вядучых даследчыкаў званоў Вялікага Княства Літоўскага - Гінтас Жаленас.

Багдан Бярозкін, загадчык аддзялення званароў Мінскага духоўнага вучылішча: "Даклады будуць вельмі цікавыя тым, што гэта бачанне  сучаснага чалавека аб звоне. Гэта вельмі важны момант, важны духоўны складальнік, таму што  звон - гэта ў першую чаргу голас Божы. Званы з'явіліся задоўга да Раства Хрыстова, але зацвердзіліся яны менавіта ў царкве як сігнальны інструмент, які абвяшчае аб пачатку богаслужэння".

Госці стануць удзельнікамі майстар-класа па  перазвоне


Другі дзень канферэнцыі - практыка. Прыход іконы Божай Маці "Усіх тужлівых Радасць" прыме майстар-клас па  перазвоне. Вопытам падзеліцца старшы званар сабораў Маскоўскага Крамля і храма Хрыста Збавіцеля.