Урачыстасці ў сталіцы пачнуцца ўжо сёння. У гарадской ратушы і ў Палацы прафсаюзаў пройдуць цырымоніі ўзнагароджання мінчан, якія бяруць актыўны ўдзел у ахове правапарадку, і пераможцаў конкурсу Мінскі майстар. Заўтра святочныя мерапрыемствы пачнуцца з урачыстай цырымоніі ўскладання вянкоў і кветак да абеліска Мінск - горад-герой. У праграме таксама - уручэнне ўзнагарод Мінчанін года, канцэрт у Вялікім тэатры оперы і балета, кніжная выстава, дзіцячы мастацкі пленэр на тэрыторыі Верхняга горада, а таксама спартыўнае свята ля Палаца спорту.
