За час працы сэрвісу паведамленні па электроннай пошце сталі атрымліваць 25 тысяч жыхароў сталіцы. ПДФ-версія не адрозніваецца ад звычайнага паведамлення: тая ж табліца з пералікам паслуг, пазначэнне тарыфаў і выніковая сума аплаты. Заказаць паслугу можна таксама анлайн або пакінуць заяўку ў разлікова-даведачным цэнтры.
Толькі ў Мінску на раздрукоўку паведамленняў штомесяц траціцца каля 4 з паловай тон паперы. А для вытворчасці кожнай тоны патрэбна больш за 20 дрэў.
