Злавіць птушку праз аб'ектыў. 6 кастрычніка пройдзе адкрыты чэмпіянат Беларусі па фотабёрдынгу. У гэтым спаборніцтве трэба за пэўны час зняць як мага больш розных відаў птушак. І каб атрымаць максімальную колькасць балаў, варта не толькі падаць якасную фатаграфію, але і вызначыць назву птушкі. Зараз ідзе рэгістрацыя ўдзельнікаў. На сайце ptushki.org прапануюць запоўніць заяўку. Сёння апошні дзень.
Чэмпіянат Беларусі па фотабёрдынгу праходзіць у рамках восеньскіх дзён назірання за птушкамі. Заўтра і ў нядзелю можна падлічыць колькасць птушак, якія сустрэнуцца ў гэтыя дні, а таксама вызначыць іх віды. Затым паведаміць пра свае назіранні арнітолагам. Дарэчы, летась удзельнікі за два дні налічылі амаль 30 тысяч птушак.
Мінчанам прапануюць злавіць як мага больш птушак праз аб'ектыў
4 октября 2019