Імгненная рэакцыя і аператыўныя дзеянні міліцыянера выратавалі жыццё чалавека ў Дрыбінскім раёне. Пах гару адчуў сусед, які паведаміў пра пажар. Вядома, што мужчына, у доме якога ўспыхнуў агонь, пакутуе ад хранічнага захворвання і ходзіць з цяжкасцю. Яму на дапамогу кінуўся сяржант.
Антон Сямякін, міліцыянер Дрыбінскага РАУС: "Гэтыя дзверы былі зачыненыя, я накінуў куртку на галаву, каб не дыхаць, увайшоў унутр, паклікаў яго. Знайшоў каля акна і вывеў на вуліцу".
Што стала прычынай пажару, пакуль не вядома, у сітуацыі разбіраюцца спецыялісты.
Міліцыянер выратаваў жыццё чалавека на пажары ў Дрыбінскім раёне
8 апреля 2019