Выстава ваеннай тэхнікі і ўзбраення MILEX-2019 сёння ўваходзіць у актыўную фазу. Напярэдадні адбылося ўрачыстае адкрыццё форуму. Нагадаем, сёлета ў ім удзельнічаюць 170 прадпрыемстваў з 15 краін свету. Вялікую цікавасць у замежных дэлегацый выклікаюць нашы радыёлакацыённыя комплексы, беспілотныя апараты, а таксама сродкі барацьбы з імі. Як адзначылі ў Мінабароны, усе ўзоры, паказаныя на выставе MILEX-2019, прынятыя на ўзбраенне падраздзяленняў Беларусі.
Сёння на галоўнай пляцоўцы - "Мінск Арэне" - пройдуць прэзентацыі асобных вытворцаў. Свае ўзоры зброі і тэхнікі прадэманструюць Мінскі завод колавых цягачоў, Завод дакладнай электрамеханікі, прадпрыемствы "Агат" і "БелТэхЭкспарт".
MILEX-2019. Дзень другі: прэзентацыі асобных вытворцаў зброі і тэхнікі
16 мая 2019