Міжнародная арганізацыя працы перастае быць арганізацыяй, якая абараняе права на працу і занятасць людзей. Гэта заявіў старшыня Федэрацыі прафсаюзаў Беларусі, каментуючы вынікі разгляду "беларускага пытання". Пад ціскам і пры цвёрдым лабіраванні прадстаўнікоў заходніх краін МАП прынята антыбеларуская рэзалюцыя, накіраваная супраць людзей, іх прыбыткаў і занятасці. Дэлегацыя прафсаюзаў Беларусі з першых дзён работы канферэнцыі заяўляла аб незаконнасці такіх мер і патрабавала іх адмены. У выніку прадстаўнікоў ФПБ паспрабавалі пазбавіць на канферэнцыі голасу, не маючы на гэта ніякіх падстаў. Міхаіл Орда адзначыў, такія крокі расцэньваюцца выключна як спроба запалохаць і прымусіць замоўкнуць, каб схаваць праўду.
У гэтыя дні ў Жэневе праходзіць чарговая сесія Міжнароднай канферэнцыі працы МАП. "Беларускае пытанне" стала адным з самых рэзанансных пры абмеркаванні дэлегатамі.
