Добрасумленным працаўнікам наймальнік прапануе кантракт на максімальны тэрмін. Гэта істотна скароціць колькасць кароткатэрміновых працоўных адносін. Дагавор толькі на год, калі да працаўніка раней не было прэтэнзій, заключаць толькі з яго пісьмовай згоды, заявіў нашаму тэлеканалу старшыня Федэрацыі прафсаюзаў Міхаіл Орда. Напрыклад, у прамысловым сектары кантракты на год заключалі больш як 60 працэнтаў працаўнікоў. У сярэднім па краіне ў кожным трэцім выпадку. Нагадаем, абноўлены Працоўны кодэкс на тыдні падпісаў Прэзідэнт. Яго новыя нормы ўступяць у сілу праз паўгода.