На нарадзе ў аблвыканкаме паднімалася пытанне аб сітуацыі на прадпрыемстве Хімвалакно. Год таму ўрад прыняў рашэнне аб стварэнні прынцыпова новай схемы мадэрнізацыі прадпрыемства. Пасля яе рэалізацыі тут маглі б стварыць уласную вытворчасць поліэтылентэрэфталата з наступным выпускам валакна і тэхнічных нітак. Па сутнасці, гэта новы завод наступнага пакалення. Кошт праекта - каля 300 мільёнаў долараў. Жаданне прыняць удзел у стварэнні вытворчасці ўжо выказалі некалькі буйных кампаній з Азіі і Еўропы. Ёсць фундатары і з Расіі.
Таксама Міхаіл Мясніковіч сёння прыняў удзел у калегіі Міністэрства адукацыі. Гаворка ішла аб падрыхтоўцы кадраў і спецыялістаў ва ўстановах прафесійна-тэхнічнай і сярэдняй спецыяльнай адукацыі.
