Беларусь ужо віншуе і святкуе! Шматлікія падзеі ў гэтыя дні - пад знакам 8 Сакавіка. Ну, а галоўная асацыяцыя са святам, безумоўна, кветкі. І вось такая статыстыка: беларусы не толькі напярэдадні святаў сталі купляць кветак больш! Цяплічная вытворчасць у нас у краіне пашыраецца - больш становіцца на прылаўках і беларускіх раслін. Зрэшты, сумнявацца не даводзіцца - напярэдадні 8 Сакавіка заробак прадаўцоў кветак стабільна высокі. Пачым букецік, і што сёння ў трэндзе?
Аб падрыхтоўцы да Міжнароднага жаночага дня - Дзмітрый Цітоў.
Сёння жонкі паслоў сабраліся на вечары сустрэч у перадпачатку Міжнароднага жаночага дня. Жонка міністра замежных спраў ужо традыцыйна збірае прыгожую палову дыпкорпуса. Прадстаўніцы Арменіі, Балгарыі, Венесуэлы, Індыі і іншых краін наведалі сталічную шакаладную фабрыку. Прагуляліся па карамельных цэхах. Здзівіліся новым хакейным пляцоўкам, праўда, у выглядзе кандытарскіх вырабаў. Мінск-Арэна і Чыжоўка-Арэна. А таксама абменьваліся падарункамі і віншаваннямі.
Вялікую ўвагу сёння надавалі жанчынам-вадзіцелям. Замест букета - жазло, цукеркі замяніў радар. Афіцэры пасля праверкі дакументаў засыпалі камлементамі. А падарункі дарылі вядомыя медыйныя персоны. Сёння на 100 інспектараў ДАІ прыходзіцца адна дзяўчына-супрацоўнік - і таму для іх свята набывае асаблівыя фарбы.
Самым папулярным падарункам напярэдадні 8 Сакавіка застаюцца кветкі. Толькі за мінулы год іх прадалі на 17 мільёнаў долараў, сёлета прадаўцы кветак ідуць на рэкорд. Летась ружы занялі першае месца ў спісе самых пакупаных. За імі ідуць хрызантэмы, і трэцяе месца атрымалі гваздзікі. Нягледзячы на тое, што 90% кветак у Беларусь прывозіцца з-за мяжы, доля нашых павялічваецца з кожным годам.
Тут кожны дзень па-сапраўднаму сонечнае надвор'е. Зараз 24 градусы па Цэльсіі. З аднаго квадратнага метра - каля 17 руж, і кожны дзень праз гэты вазон праходзяць каля 8 тысяч раслін.
Практычна ўсе цюльпаны з гэтай цяпліцы ўжо пайшлі на продаж. Іх спецыяльна саджаюць у снежні, каб яны трапілі на прылавак прама напярэдадні свята. Толькі сёлета на плошчы ў 1,6 гектара плануюць вырасціць парадку 4 мільёнаў кветак.
Імпартаваць ружы з Галандыі для кветкавых магазінаў па-ранейшаму застаецца эканамічна выгадным, але вырошчваць беларускія кветкі варта хоць бы ў мэтах імпартазамяшчэння. І як прызнаюцца нашы фларысты, нашы стаяць больш доўга.
