Дамова аб супрацоўніцтве паміж Акадэміяй навук Беларусі і Міжнародным цэнтрам рэлятывісцкай астрафізічнай сеткі з Італіі падпісаны ўчора. У сетцы цэнтраў ICRANET па ўсім свеце навукоўцы даследуюць астранамічныя феномены і экстраардынарныя станы касмічных аб'ектаў, у тым ліку белых карлікаў, нейтронных зорак і чорных дзюр. Сумесны праект стане пляцоўкай для правядзення глабальных семінараў і канферэнцый, а таксама дазволіць беларускім навукоўцам удзельнічаць у міжнародных праграмах, у тым ліку абменьвацца супрацоўнікамі з іншымі інстытутамі па ўсім свеце.
Беларускія навукоўцы супрацоўнічаюць з Міжнародным цэнтрам рэлятывісцкай астрафізічнай сеткі з 2013 года.
