Падрабязнасці ў Ніны Мажэйкі.
Дзень абароны дзяцей у Нацыянальным мастацкім музеі
Пасля вымушанай паўзы музей вярнуўся ў афлайн і адразу з маштабным міжнародным праектам, куратарамі якога сталі Міністэрства адукацыі і Арганізацыя Аб'яднаных Нацый. Размова пра конкурс дзіцячага малюнка "Сябруюць дзеці на планеце". Геаграфія экспанатаў уражвае - 27 краін. Тут, у музеі, экспануецца толькі частка конкурсных работ.Тэма VII Міжнароднага конкурсу дзіцячага малюнка - экалогія
Асноўная экспазіцыя знаходзіцца непадалёк - на вуліцы Кірава ў Нацыянальным цэнтры мастацкай творчасці дзяцей і моладзі. На суд журы даслалі больш за чатыры з паловай тысячы жывапісных і графічных работ на тэму экалогіі. Замест вечнага "Солнечный круг, небо вокруг..." прыстаўка эка ўсюды: экафакт, экапланета, экапарады ад тых, каму ад 4 да 16 гадоў.Жывапіс, графіка і змяшаная тэхніка - тры намінацыі і чатыры ўзроставыя катэгорыі. Аднастайным было толькі журы: вядомыя беларускія мастакі, мастацтвазнаўцы і настаўнікі выяўленчага мастацтва. Праект можна будзе ўбачыць і на YouTube - відэаэкскурсія з англійскімі субцітрамі, каб было зразумела кожнаму.
Карціну Мая Данцыга "Сонечны кантынент" дасталі з запаснікаў
Складаныя задачы дарослых, на першы погляд, здаюцца простымі, калі напісаны гуашшу ці акварэллю. Але аб вялізным дзіцячым патэнцыяле задумваўся мастак і заслужаны настаўнік Сяргей Пятровіч Каткоў. Свайго майстра на палатне велічэзных памераў - 5 на 3 - намаляваў Май Данцыг. Апошні раз "Сонечны кантынент" выстаўляўся яшчэ пры жыцці аўтара. Суровы рэаліст або аптыміст верыў у сілу эстэтычнага выхавання.Анлайн-праект "Дзеці мастакоў"
Да Міжнароднага дня абароны дзяцей музей падрыхтаваў і спецпраект "Дзеці мастакоў". Частку партрэтаў можна ўбачыць і анлайн, і ў рэальнасці ў пастаяннай экспазіцыі, а таксама пакінуць водгук аб наведванні. Музейныя работнікі іх чытаюць - пераканаліся асабіста.У тэлеграм-канале Нацыянальнага мастацкага музея можна знайсці падборку самых мілых каментарыяў ад наведвальнікаў розных гадоў. Дарэчы, дзіцячы почырк сустракаецца не радзей за дарослы.
