Мерапрыемствы з нагоды 75-годдзя Перамогі і эпідсітуацыю абмеркавалі ў Прэзідэнта

Напрэдадні гэтых святочных дзён - юбілею Перамогі – на парадку адразу дзве тэмы - мерапрыемствы з нагоды сакральнай даты і эпідэміялагічная сітуацыя. Гэтым пытанням сёння прысвяцілі вялікую нараду ў Палацы Незалежнасці. Вядома, 75-годдзе Вялікай Перамогі - святое свята адразу для некалькіх пакаленняў, і вельмі многія чакалі на гэты конт пэўных пасылаў ад Кіраўніка дзяржавы. Аб важнасці правядзення спадарожных падзей Прэзідэнт выказаўся вельмі падрабязна. 

Эпідсітуацыя на пастаянным кантролі Прэзідэнта

Сёння шмат гаварылі і аб самой эпідсітуацыі ў краіне. Гэтыя пытанні Кіраўнік дзяржавы трымае на пастаянным кантролі. Штодня па некалькі разоў аб становішчы спраў дакладаюць не толькі кіраўнік Міністэрства аховы здароўя, губернатары, але і іншыя службовыя асобы, якія па даручэнні Прэзідэнта курыруюць пытанні сістэмы аховы здароўя. Гэта абмеркаванне бягучай сітуацыі - ад захворвання да забеспячэння бальніц і медперсанала ўсім неабходным. Як і раней, Прэзідэнт жадае пачуць розныя ацэнкі. Падрабязнасці вялікай нарады ў Прэзідэнта глядзіце ў 9 вечара ў выніковай праграме тыдня "Галоўны эфір".