Бясплатнае пражыванне - як мера падтрымкі ўрачоў у складаны перыяд

У рэжыме абмежавання сваіх кантактаў працуюць і беларускія медыкі (мы ўжо мімаходзь аб гэтым згадвалі). Бясплатнае пражыванне - гэта яшчэ адна мера падтрымкі ўрачоў у гэты складаны перыяд. Ужо дзве гасцініцы "аддадзеныя" ўрачам і медперсаналу, якія працуюць непасрэдна з пацыентамі з каранавіруснай інфекцыяй. Каб засцерагчы сваіх родных, мінімізаваць перамяшчэнні па горадзе, больш як 200 медыкаў на час пераехалі ў нумары. 

Горад дапамог і з транспартам. Мікрааўтобусы па раскладзе возяць урачоў на працу. Нягледзячы на тое, што старонніх у гасцініцу для дактароў не пускаюць, эксклюзіўныя кадры мы ўсё ж пакажам у "Галоўным эфіры". Побыт сталічных медыкаў у перыяд пандэміі - у рэпартажы Надзеі Сербіненкі (відэа).