Медыцынскія службы сталіцы працуюць у планавым парадку, сітуацыя ў горадзе спакойная. Сёння аб гэтым у эксклюзіўным інтэрв'ю нашаму каналу расказаў першы намеснік міністра аховы здароўя Беларусі Дзмітрый Піневіч. Урачы манітораць як спартыўныя, так і неспартыўныя аб'екты, дзяжурныя дактары ёсць таксама на вакзалах і ў аэрапорце. Якасць аказання паслуг для жыхароў сталіцы не зменіцца. У Мінску працуе каля 200 брыгад хуткай дапамогі, сфарміраваны рэзерв спецыялістаў, гатовых аказаць неадкладную дапамогу ў любы час і ў любым месцы.
На спартыўных аб'ектах дзяжураць таксама валанцёры, яны акажуць першую медыцынскую дапамогу або выклічуць кваліфікаваных спецыялістаў.
