Шэсць вырабаў па сапраўдных медыцынскіх лякалах пашыла фіналістка конкурсу сацыяльных праектаў. Такія чахлы патрэбныя для таго, каб накрываць імі кювезы, дзе праходзяць лячэнне неданошаныя дзеці. Яны дапамагаюць ствараць адпаведны тэмпературны і гукавы рэжым. Спонсарскія сродкі на рэалізацыю праекта збіралі на папулярных краўдфандынгавых платформах. Усяго плануюць пашыць 60 такіх чахлоў і перадаць іх у тыя радзільні, дзе ёсць найбольшая патрэба.
Штогод у Маладзечанскім раддоме нараджаецца крыху больш за паўтары тысячы дзяцей. З іх – 2-3% датэрмінова.
