У наступным годзе ў Беларусі плануецца правесці перападрыхтоўку медыкаў, што аказваюць паліятыўную дапамогу дзецям. Пра гэта сёння стала вядома на пасяджэнні нацыянальнай камісіі па правах дзіцяці. У цэлым у такой падтрымцы маюць патрэбу больш як 800 дзяцей - большасць атрымлівае догляд дома, пры неабходнасці ў дзяржаўных дамах дзіцяці або ў стацыянары. Адну з такіх устаноў наведалі сёння і ўдзельнікі пасяджэння. Сюды, у сталічны дзіцячы дом № 1, па дапамогу накіроўваюць не толькі сірот, але і дзяцей разам з бацькамі. Палаты цалкам аснашчаны неабходным абсталяваннем і нават апаратамі штучнай вентыляцыі лёгкіх.
Усяго ў гэтым доме дзіцяці зараз жывуць больш за 70 малышоў. Кожнаму госцю малышы падарылі навагоднія падарункі - сувеніры, якія зрабілі сваімі рукамі.
