Павялічылася вышыня пасадкі, і зараз тэхніка можа пераадольваць гурбы або невялікія ямы. Плануецца, што "Малыш" новай версіі будзе выкарыстоўвацца для падвозу дзяцей ад дому да школы ў сельскай мясцовасці. Абноўленыя мадэлі аўтобуса з'явяцца на дарогах увосень.
Алег Жураўлёў, намеснік начальніка аддзела ААТ МАЗ: "У першую чаргу ён рабіўся для забеспячэння падвозу дзяцей у РБ. Мы плануем, што ўжо сёлета паставім беларускім арганізацыям 30 адзінак. Гэта іншы аўтобус, палепшаная версія тых, якія вырабляліся раней. Эканамічнага класа еўра-5, ёсць усе перспектыўныя магчымасці для рэалізацыі на рынак Расійскай Федэрацыі".
Навінкі і ў салоне - адначасова аўтобус зможа перавозіць 28 пасажыраў. Для бяспекі дзяцей сядзенні абсталяваныя падвойнымі рамянямі. А пасля адкрыцця дзвярэй перад уваходам у салон з’яўляецца спецыяльная прыступка.
