Незвычайныя драконы, салдацікі і трусы радуюць прахожых у Шчучыне. Майстар-самавучка выразае са снегу двухметровыя фігуры. На стварэнне адной ідзе некалькі дзён і каля тоны снегу. Спачатку скульптар ушчыльняе яго і пры дапамозе звычайнай нажоўкі выразае снежныя кубы, і з іх складаецца персанаж. Затым усё лішняе адразаецца. У майстра ўжо з'явіліся паслядоўнікі - мясцовыя школьнікі выстройваюцца ў чаргу, каб атрымаць майстар-клас па працы з такім далікатным матэрыялам.
А яшчэ скульптар марыць арганізаваць у Шчучыне пленэр для снежных майстроў з усяго рэгіёна і ўпрыгожыць унікальнымі працамі галоўныя вуліцы роднага горада.
