Маштабная кампанія, накіраваная на барацьбу з наркотыкамі праходзіць гэтымі днямі ў сталіцы. Мэта - не дапусціць з'яўлення атрутных сумесяў у школах або каледжах і не даць нават шанцу дзецям паспрабаваць гэта новую згубную рэч. Часта ў залежнасць ад наркотыкаў трапляюць зусім юныя хлопцы і дзяўчаты. У гэтай сувязі праваахоўнікі плануюць арганізаваць сустрэчы з бацькамі і яшчэ раз растлумачыць, як неабходна своечасова заўважыць змены ў паводзінах дзіцяці і правільна адрэагаваць. Для дарослых і школьнікаў на пэўных прыкладах пакажуць і раскажуць, чаго каштуе мімалётная эйфарыя і пасрэдніцтва ў наркабізнесе.
Толькі ў адным з раёнаў горада за апошнія 9 месяцаў байцы наркакантролю раскрылі каля 160 злачынстваў, прычым амаль палова з іх звязаная з продажам наркотыкаў.
