Міністэрства антыманапольнага рэгулявання і гандлю ініцыюе працяг сумесных маніторынгаў магазінаў адзення з Сярэдняй Азіі з удзелам мясцовых органаў улады, Дзяржстандарту, падатковай, Міністэрства здароўя і МУС. Усяго па краіне не меней за 160 такіх аб'ектаў. Вынікі рэйдаў за два месяцы паказалі, што ва ўсіх 50 правераных гандлёвых пунктах былі розныя парушэнні. Галоўная ж мэта, адзначаюць у міністэрстве, - арганізацыя роўных умоў працы для ўсіх прадпрымальнікаў.
Большасць прадаўцоў з Сярэдняй Азіі адкрылі магазіны менш за два гады таму, яны не трапляюць пад пазапланавыя праверкі, у іх толькі праводзяць маніторынг. Выносяцца загады, калі яны не выконваюцца падчас паўторных маніторынгаў, складаюць адміністрацыйныя пратаколы і накіроўваюць іх у суд.
