У паўночным рэгіёне Беларусі святочныя мерапрыемствы, прысвечаныя 9 Мая, працягваюцца і зараз. На галоўнай плошчы Віцебска гэтымі хвілінамі гучаць песні ваенных гадоў, артыстам падпяваюць тысячы гасцей свята. Канцэртныя і забаўляльныя праграмы сёння прайшлі ва ўсіх вялікіх і малых гарадах. Наш карэспандэнт Марына Раманоўская працягне.
Свята Вялікай Перамогі ў паўночным рэгіёне сустракаюць сем'ямі. У Віцебску, у райцэнтрах і нават невялікіх пасёлках сёння ўсе ідуць да манументаў з кветкамі. І, вядома, у ліку ганаровых гасцей - ветэраны Вялікай Айчыннай вайны.
Ва Ушацкім раёне кветкі леглі да бронзавай фігуры партызана. Мемарыяльны комплекс "Прарыў" захоўвае памяць аб подзвігу народных мсціўцаў у гады Вялікай Айчыннай вайны. Распачаўшы адчайную спробу прарыву цаной уласных жыццяў, ім атрымалася вывесці з варожага акружэння больш як 15 тысяч мірных жыхароў.
Шматлюдна сёння і ля бюста Героя Савецкага Саюза, Героя сацыялістычнай працы Пятра Машэрава. У гады вайны ён быў адным з арганізатараў падполля і партызанскага руху. Сёння да манумента неслі вянкі і жывыя кветкі.
Святочныя канцэртныя і забаўляльныя праграмы аб'ядналі тысячы жыхароў паўночнага рэгіёна. Увесь дзень на плошчы Перамогі ў Віцебску ігралі духавыя аркестры. Песні ваенных гадоў гучалі і ў парку Пераможцаў.
Майскі вальс прагучаў таксама і ў выкананні народнага хору ветэранаў. Ганна Кагукіна ледзь стрымлівае слёзы. Для малалетняга вязня працоўнага лагера Дзень Перамогі - як другі дзень нараджэння.
Гэтымі хвілінамі ў абласным цэнтры свята працягваецца. Канцэрт на плошчы Перамогі сабраў тысячы жыхароў і гасцей абласнога цэнтра. Усе з нецярпеннем чакаюць святочнага салюту, які размалюе неба роўна ў 23:00.
