Максімум 2 камп'ютары з 10 у Беларусі працуюць на легальным ПА

Сенсацыйную статыстыку ў Мінску агучылі прадстаўнікі найбуйнейшых IT-кампаній. І гэта прытым, заяўляюць эксперты, што Беларусь ва ўсім свеце вядомая сваёй магутнай пляцоўкай па распрацоўцы камп'ютарнага забеспячэння. А падтрымка IT-індустрыі - адзін з прыярытэтных кірункаў эканамічнага развіцця. Пры гэтым вельмі парадаксальна, што ўзровень выкарыстання нелегальнага праграмнага забеспячэння ў нашай краіне дасягае 86%. Чаму беларусы не купляюць ліцэнзійны софт, і чым пасля рызыкуюць? І ў якія сумы ацэньваюцца страты не толькі кампаній-распрацоўшчыкаў ПА, але і эканомікі краіны ў цэлым? Адказы - у сюжэце Наталлі Тарасюк. Калі праграма раптам стала працаваць са збоямі, кліенты могуць папросту патэлефанаваць на гарачую лінію фірмы-распрацоўшчыка. Вядучы інжынер Леанід Пацэвіч прызнаецца: бывалі выпадкі, калі з праблемамі звярталіся карыстальнікі відавочна пірацкай версіі софта.Леанід Пацэвіч, вядучы інжынер кампаніі-распрацоўшчыка і дыстрыб'ютара праграмнага забеспячэння:Вельмі шмат бывае выпадкаў. Прапануем ім перайсці на ліцэнзійнае праграмнае забеспячэнне, прапануем ім працу нашых спецыялістаў.Запампоўваць нелегальнае ПА з Інтэрнэта для большасці хатніх карыстальнікаў - норма. Грашыць гэтым нярэдка і малы бізнес. Выдаткаваць частку прыбытку на куплю ліцэнзій, а ўжо, тым больш, час ад часу плаціць за абнаўленне, фірмы не гатовыя. Распрацоўшчыкі такім патэнцыйным кліентам прапаноўваюць асаблівыя ўмовы і робяць скідкі. Асабліва ідуць насустрач ВНУ.Паводле некаторых ацэнак, больш як 90% усяго пірацкага ПА на розных торэнт-трэкерах ужо мае вірусы. Нестабільная праца загружанай праграмы - гэта самае малое, да чаго можа прывесці эканомія на легальным софце. З-за пірацкай версіі праграмнага забеспячэння можа адбыцца ўцечка карпаратыўных дадзеных або зусім выкраданне грошай з рахункаў.Сур'ёзныя страты ад камп'ютарнага пірацтва нясе і сама дзяржава. І, апроч фінансавых, эксперты гавораць не забываць аб рэпутацыйных рызыках.Яўген Данілаў, дырэктар па развіцці бізнесу кампаніі-распрацоўшчыка праграмнага забеспячэння ў Цэнтральнай і Усходняй Еўропе:Калі праграма не куплялася, значыць, яна не ўлічаная на балансе і, адпаведна, яна не ўваходзіць у падаткаабкладальную базу юрыдычнай асобы. Такім чынам, кампанія не даплочвае частку падаткаў.Самі праваўладальнікі сталі больш актыўна абараняць свае правы. І ў беларускай практыцы ўжо ёсць прэцэдэнты, калі камп'ютарных піратаў прыцягнулі да адказу. Больш за тое, у Асацыяцыі па абароне аўтарскіх правоў маюць намер распрацаваць спецыяльны даведнік для праваахоўных органаў. Сваю дапамогу ў стварэнні дапаможніка прапанавалі калегі з Расіі.Эксперты заяўляюць: шкода кампаній ад выкарыстання пірацкага праграмнага забеспячэння ва ўсім свеце да канца гэтага года можа дасягнуць 500 млрд. долараў. З гэтай сумы больш за 100 будзе выдаткавана на аднаўленне дадзеных. Страты кампаній у суседняй Расіі ацэньваюцца ў 20 млрд. умоўных. А вось дакладных падлікаў, у колькі беларускім фірмам і самім распрацоўшчыкам ПА абыдзецца неліцэнзійны софт, пакуль няма.Паводле папярэдніх дадзеных, размова можа ісці аб 40 млн. долараў шкоды беларускай эканоміцы.