Спрошчаныя працэдуры і максімальна спрыяльныя ўмовы пры перасячэнні мяжы. Мытны камітэт сёння расказаў аб асаблівасцях працы свайго ведамства на час правядзення ІІ Еўрапейскіх гульняў. Спартсмены, удзельнікі і балельшчыкі будуць праходзіць афармленне па асобным калідоры, што дазволіць мінімізаваць час чакання на мяжы. У пунктах пропуску будзе павялічана колькасць супрацоўнікаў, якія валодаюць замежнымі мовамі.
Андрэй Бальшакоў, начальнік галоўнага ўпраўлення Дзяржаўнага мытнага камітэта Беларусі: "Для гарантавання бяспекі правядзення Гульняў мытнымі органамі набытыя сучасныя тэхнічныя сродкі мытнага кантролю, якія дазваляюць выяўляць наркатычныя і выбуховыя рэчывы без удзелу службовых асоб мытні. Акрамя таго, прапускныя пункты будуць абсталяваныя сучаснымі сістэмамі відэаназірання, а службовыя асобы - відэарэгістратарамі".
Таксама на перыяд правядзення спаборніцтваў мытня адкрые свой кол-цэнтр, дзе турысты змогуць атрымаць інфармацыю па правілах перасячэння мяжы.
Максімальна спрыяльныя ўмовы будуць створаныя пры перасячэнні мяжы на час правядзення ІІ Еўрапейскіх гульняў
22 марта 2019