Лукашэнка сабраў нараду па пытаннях уступнай кампаніі

Прэзідэнт Беларусі Аляксандр Лукашэнка сабраў 6 чэрвеня нараду па бягучых пытаннях уступнай кампаніі, піша БЕЛТА.

Сярод удзельнікаў мерапрыемства - міністр адукацыі Андрэй Іванец, кіраўнік Адміністрацыі Прэзідэнта Ігар Сергеенка, намеснік прэм'ер-міністра Ігар Петрышэнка, старшыня Камітэта дзяржаўнага кантролю Васіль Герасімаў, дырэктар Рэспубліканскага інстытута кантролю ведаў Юрый Міксюк, прадстаўнікі профільных камісій абедзвюх палат парламента, а таксама кіраўнікі ўстаноў адукацыі рознага ўзроўню. На нарадзе падрабязна разбіраюць праблемныя моманты ў адукацыі і абмяркоўваюць дакладны механізм сістэмы адбору і паступлення ў ВНУ на будучыню.

Як паведамлялася, пасля правядзення ЦЭ па беларускай і рускай мовах ад дзяцей і бацькоў сталі паступаць шматлікія звароты з просьбай растлумачыць, чаму атрыманы менавіта такі бал, чаму ў некаторых выпадках ён ніжэйшы, чым падчас рэпетыцыйнага экзамену.

У сітуацыю ўмяшаўся Прэзідэнт і запатрабаваў разабрацца з праблемамі. Ён даручыў праверыць арганізацыю ЦЭ, якія прайшлі ў маі, і ўдакладніць атрыманыя вынікі. Для праверкі карэктнасці апрацоўкі вынікаў першага цэнтралізаванага экзамену была сфарміравана міжведамасная камісія. Па выніках яе работы балы першага цэнтралізаванага экзамену былі пералічаны па новай методыцы і апублікаваныя 2 чэрвеня.