Апошні званок празвінеў сёння ва ўсіх школах Беларусі. Прывітанне выпускнікам накіраваў Аляксандр Лукашэнка, адзначыўшы, што пачатак новага, дарослага жыцця адчыняе дзверы ў свет вялікіх магчымасцяў, адказных рашэнняў, амбіцыйных планаў.
Лепшыя з лепшых з усёй краіны сёння сталі ўдзельнікамі рэспубліканскага свята ў Оршы. На апошні званок у моладзевую сталіцу Беларусі запрасілі каля дзвюх тысяч вучняў: гэта выдатнікі вучобы, пераможцы творчых конкурсаў і спартсмены. Апладысменты гучалі і ў гонар настаўнікаў. Сем лепшых класных кіраўнікоў (з кожнай вобласці і Мінска) удастоеныя падзякі міністра адукацыі. Зараз у Лядовай арэне - вялікі канцэрт. Завершыцца свята салютам.
Лепшыя выпускнікі краіны сталі ўдзельнікамі рэспубліканскага свята ў Оршы
30 мая 2019