Капітальны рамонт, якому спачатку так радаваліся жыхары, у выніку стаў для іх сапраўдным выпрабаваннем. Будаўнікі, пакуль ідуць работы, накрылі дах часовым пакрыццём. І сёння яно не вытрымала напору ліўня. У выніку вада лінула на верхнія паверхі і затапіла дзясяткі кватэр. Надзея Сербіненка разбіралася ў праблеме.
Нечаканы дождж і недагляд будаўнікоў сёння сталі прычынай сапраўднага патопу. Жыхары пяціпавярховага дома ў Заслаўі б'юць трывогу. Дзе знайсці вырашэнне? Выслухаем абодва пункты гледжання.
Па адзін бок барыкад - будаўнікі. Па другі - пацярпелыя жыхары. Звычайны капітальны рамонт стаў сапраўдным выпрабаваннем для жыхароў.
І такая тэхналогія дала расколіну. Як вынік: тры пад'езды з пятага па другі паверх аказаліся затопленыя. Больш за астатніх пацярпела кватэра сям'і Голуб: дождж скончыўся яшчэ некалькі гадзін таму, а вада са столі ліцца не перастае.
Новыя нацяжныя столі пад цяжарам вады тут правіслі амаль да падлогі. Нядаўна зроблены рамонт прыйдзецца паўтарыць. Падлога пабракла, мэбля сапсавалася, шпалеры адклеіліся. Усе наяўныя пашкоджанні фіксуе ацэначная камісія. Згодна з гэтымі запісамі, жыхарам павінны кампенсаваць шкоду.
На трэцім паверсе таго ж пад'езда вада пашкодзіла толькі шпалеры.
Будаўнікі паводле адной і той жа схемы рамонту працуюць шмат гадоў. І такіх затапленняў з часовым пакрыццём, якім яны закрываюць дах, не пазбегнуць.
Крыху больш пашанцавала тым, хто застрахаваў сваю маёмасць. Астатнім жыхарам дома прыйдзецца спадзявацца на хуткае вырашэнне мокрай праблемы.
