Лібералізацыя Адміністрацыйнага кодэкса. Замест штрафу - заўвага

Неабходнасць змяніць хуткасны рэжым на некаторых дарогах і ўчастках МКАД, а таксама змякчыць пакаранні за адміністрацыйныя правапарушэнні - гэта нядаўнія даручэнні Кіраўніка дзяржавы.

У апошнім выпадку ідзе размова пра падрыхтоўку прынцыпова новага кодэкса. У дакуменце перагледзяць усе санкцыі ў бок іх змяншэння і змякчэння. Гэтым займаецца міжведамасная экспертная камісія, якую ўзначаліла Вольга Чупрыс, намеснік кіраўніка Адміністрацыі Прэзідэнта. Адна з асноўных задач - зрабіць у законе ўхіл на прафілактыку, а не пакаранне. Напрыклад, магчымы варыянт дзялення парушэнняў на дзве групы. Гэта так званая сур'ёзная ступень грамадскай небяспекі і лёгкія правіннасці. У гэтым выпадку з'явіцца магчымасць замяніць некаторыя адміністрацыйныя пакаранні простым папярэджаннем.

Замест штрафу - заўвага

Аляксандр Рахманаў, намеснік дзяржсакратара Савета бяспекі Беларусі: "Ёсць цікавыя ідэі, якія будуць дэталёва выпрацоўвацца, каб замяніць адміністрацыйную адказнасць нормамі дысцыплінарнай практыкі. Часам бываюць такія сітуацыі, калі адміністрацыйнае правапарушэнне з'явілася вынікам дзеяння той або іншай службовай асобы, работніка, супрацоўніка прадпрыемства або арганізацыі, калі маёмасны ўрон пакрыты, негатыўныя наступствы ліквідаваны, напэўна, не варта прыцягваць чалавека да адміністрацыйнай адказнасці. А разгледзець пытанне аб прыцягненні яго да дысцыплінарнай адказнасці ў парадку разгляду пытанняў працоўнага заканадаўства".


Больш магчымасцяў на дарогах зараз ствараецца і з боку ДАІ. Абмежавана выкарыстанне мабільных камер фотафіксацыі і ручных радараў. Хуткасны рэжым і бяспека на дарогах: як не трапіць у транспартную пастку? Глядзіце ў "Галоўным эфіры" ў нядзелю на "Беларусь 1".